Dunyodagi eng katta yo‘lovchi samolyoti hisoblangan Qantas aviakompaniyasiga tegishli Airbus A380 ilk bora dunyodagi eng uzun aviayo‘nalish bo‘yicha reysni amalga oshirdi. Bu haqda Korrespondent.net xabar berdi.
Samolyot yakshanba kuni Avstraliyadagi Sidney aeroportidan uchib ketib, 15 soat parvoz qildi va AQShning Texas shtati Dallas/Fort-Uert xalqaro aeroportiga kelib qo‘ndi.
Yo‘nalishning umumiy uzunligi 8578 mil (13 805 kilometr)ni tashkil etdi. Reys to‘liq yuklangan holatda amalga oshdi — bortda 484 yo‘lovchi bo‘lgan.
Ushbu reys bilan parvoz qilmoqchi bo‘lganlarga chipta ancha qimmatga tushadi: ekonom-klass uchun 1900 dollar, biznes-klass uchun 7 ming dollar va birinchi klass uchun 12—13 ming dollar.
Avval ushbu yo‘nalish bo‘yicha parvozlar “Boing-747”da amalga oshirilgan va Brisben (Avstraliya)ga qo‘nib o‘tilgan.
Izoh (0)