Sony Xperia Z3 smartfoni Z2’dan bir qancha xususiyatlarda ustun bo‘lib, uning ham suv va changga chidamlilik sertifikati mavjud. Ushbu smartfonni 1,5 metr suv ostida bir soatdan ko‘proq vaqt ishlatish mumkin.
Smartfonning ushbu xususiyatini isbotlash uchun Buyuk Britaniyaning Carphone Warehouse kompaniyasi yangi Xperia Z3’ni suv ostida qutisidan chiqarib ishlatib ko‘rdi. Bu haqda Phonearena.com ma’lumotiga asoslanib “Parol” nashri xabar berdi.
Videoda smartfon qutisidan chiqarilgach, uning qo‘shimcha qurilmalari chetga olib qo‘yildi va hatto himoya kleyonkalari ham olib tashlandi. Shundan so‘ng, smartfon kamerasi yordamida bir qancha suratlar olindi.
Eslatib o‘tamiz, Xperia Z2 smartfoni ham suv ostida ishlash xususiyatiga ega. Hatto u bir marta olti hafta tuzli suv ostida qolib ketsa ham, ishlashda davom etavergan.
Izoh (0)