Mail.Ru Group bosh direktori Dmitriy Grishinning ta’kidlashicha, “VKontakte” va “Odnoklassniki” tarmoqlari birlashmaydi. Bu haqda Mail.ru xabar berdi.
“‘Odnoklassniki’ va ‘VKontakte’ turli tarix, auditoriya va mexanikaga ega. Ularni birlashtirishdan hech qanday ma’no yo‘q, bu ikkala loyihaga ham salbiy ta’sir qilgan bo‘lardi”, — dedi u.
Grishinning ishonch bildirishicha, ushbu ikki loyiha o‘z farqlariga tayangan holda bir-biri bilan raqobatlashishda davom etishi kerak. “Mail.Ru’ning o‘zida ham o‘zaro raqib bo‘lgan loyihalar talaygina. Biz bunday raqobatni faqat qo‘llab-quvvatlaymiz”, — deya qo‘shimcha qildi u.
Mail.Ru Group bosh direktori “VKontakte” jamoasi o‘z o‘rnida qolishini aytdi.
Eslatib o‘tamiz, 16-sentabr kuni Mail.Ru kompaniyasi “VKontakte”ning qolgan 48,01 foiz aksiyalarini ham sotib oldi. Shu tariqa, Mail.Ru “VKontakte” aksiyalariga to‘liq egalik qildi. UCPning aksiyalari paketi Alisher Usmonovga 1,47 milliard dollarga tushdi.
Izoh (0)