Bred Pitt bilan bir necha yillardan buyon do‘stlashib kelayotgan aktyor Jorj Kluni uning Anjelina Joli bilan maxfiy nikoh marosimiga taklif etilgan kam sonli mashhurlardan biri bo‘ldi. Bu haqda “Segodnya” xabar bermoqda.
To‘y haqidagi ma’lumot e’lon qilingach, Kluni tantanaga bog‘liq ba’zi tafsilotlarni oshkor etdi.
U nikoh marosimida qatnashib, uzoq kutilgan voqeaga guvoh bo‘lganidan xursandligini bildirdi. Uning aytishicha, to‘y o‘ta maxfiy tutilgan. Pitt va Joli bu haqda OAVlar bilib qolmasligi uchun qo‘llaridan kelganicha harakat qilgan.
Juftlik tadbirni tashkillashtirish ishlarini bir necha oy avval boshlagan. Oilaviy kengashda uni Fransiyadagi Chateau Miraval qo‘rg‘onida faqat eng yaqin qarindoshlar va do‘stlar davrasida o‘tkazishga kelishishgan.
Eslatib o‘tamiz, Anjelina Joli va Bred Pitt 23-avgust kuni turmush qurdi. Tantanada kinoyulduzlarning farzandlari ham ishtirok etdi. Joli mehrob yoniga o‘z o‘g‘illari Meddoks va Paks hamrohligida borgan, Zaxara va Vivyen gul yaproqlarini sochgan, Shaylo va Noks esa uzuklarni keltirgan.
Izoh (0)