Jastin Biber va Selena Gomesning uchrashuvi muxlisaga tarsaki tushirish bilan tugadi

Jastin Biber o‘z muxlisasiga hamla qilganlikda ayblanmoqda, deya xabar berdi “Segodnya”.

Qo‘shiqchi yaqinda o‘z muxlisasiga qo‘pol munosabatda bo‘lib, yana qonun himoyachilari diqqatini tortdi. OAVlar xabariga ko‘ra, Jastin Biberni fanatlaridan biri uning Selena Gomes bilan uchrashuvini videoga tushirgani g‘azablantirgan. Yulduzning tansoqchisi qizga yaqinlashib, yozib olingan videoni ko‘rsatishini so‘ragan. Biberning muxlisasi telefonini berishdan bosh tortgach, Jastinning sabr kosasi to‘lgan.

Taxmin qilinishicha, qo‘shiqchi qizning yuziga tarsaki tortib yuborgan. Politsiya voqea yuzasidan hech kimni hibsga olmagan, biroq hodisa bilan bog‘liq vaziyatlar sinchkovlik bilan o‘rganilmoqda.