Брэд Питт билан бир неча йиллардан буён дўстлашиб келаётган актёр Жорж Клуни унинг Анжелина Жоли билан махфий никоҳ маросимига таклиф этилган кам сонли машҳурлардан бири бўлди. Бу ҳақда «Сегодня» хабар бермоқда.
Тўй ҳақидаги маълумот эълон қилингач, Клуни тантанага боғлиқ баъзи тафсилотларни ошкор этди.
У никоҳ маросимида қатнашиб, узоқ кутилган воқеага гувоҳ бўлганидан хурсандлигини билдирди. Унинг айтишича, тўй ўта махфий тутилган. Питт ва Жоли бу ҳақда ОАВлар билиб қолмаслиги учун қўлларидан келганича ҳаракат қилган.
Жуфтлик тадбирни ташкиллаштириш ишларини бир неча ой аввал бошлаган. Оилавий кенгашда уни Франциядаги Chateau Miraval қўрғонида фақат энг яқин қариндошлар ва дўстлар даврасида ўтказишга келишишган.
Эслатиб ўтамиз, Анжелина Жоли ва Брэд Питт 23 август куни турмуш қурди. Тантанада киноюлдузларнинг фарзандлари ҳам иштирок этди. Жоли меҳроб ёнига ўз ўғиллари Мэддокс ва Пакс ҳамроҳлигида борган, Захара ва Вивьен гул япроқларини сочган, Шайло ва Нокс эса узукларни келтирган.
Изоҳ (0)