2014-yilda O‘zbekiston yalpi ichki mahsuloti 8,1 foizga o‘sadi. Bu haqda Osiyo va Tinch okeani uchun BMT Iqtisodiy va ijtimoiy komissiyasining “Osiyo-Tinch okeani mintaqasida iqtisodiy va ijtimoiy vaziyat sharhi, 2014” ma’ruzasida aytiladi, deb yozadi UzDaily.
Ma’ruzada keltirilishicha, O‘zbekiston YaIM 2013-yilda oltinga bo‘lgan talabning va narxning pasayishi natijasida 8 foizga o‘sgan, bu mamlakat eksportiga ta’sir o‘tkazgan.
2014-yilda esa O‘zbekiston iqtisodiyoti 8,1 foizga o‘sadi. Daromad solig‘i stavkasining pastligi mamlakat sanoat sohasidagi faoliyatni kengaytirishga yordam beradi.
Osiyo va Tinch okeani uchun BMT Iqtisodiy va ijtimoiy komissiyasi ekspertlari prognozi bo‘yicha, O‘zbekistondagi inflyatsiya darajasi 2013-yildagi 12,1 foizdan 2014-yilda 11 foizgacha kamayadi.
Izoh (0)