2014 йилда Ўзбекистон ялпи ички маҳсулоти 8,1 фоизга ўсади. Бу ҳақда Осиё ва Тинч океани учун БМТ Иқтисодий ва ижтимоий комиссиясининг «Осиё-Тинч океани минтақасида иқтисодий ва ижтимоий вазият шарҳи, 2014» маърузасида айтилади, деб ёзади UzDaily.
Маърузада келтирилишича, Ўзбекистон ЯИМ 2013 йилда олтинга бўлган талабнинг ва нархнинг пасайиши натижасида 8 фоизга ўсган, бу мамлакат экспортига таъсир ўтказган.
2014 йилда эса Ўзбекистон иқтисодиёти 8,1 фоизга ўсади. Даромад солиғи ставкасининг пастлиги мамлакат саноат соҳасидаги фаолиятни кенгайтиришга ёрдам беради.
Осиё ва Тинч океани учун БМТ Иқтисодий ва ижтимоий комиссияси экспертлари прогнози бўйича, Ўзбекистондаги инфляция даражаси 2013 йилдаги 12,1 фоиздан 2014 йилда 11 фоизгача камаяди.
Изоҳ (0)