2014-yilda Toshkentdagi Xalqaro Vestminster universitetida o‘qish uchun 2150 dan oshiq yigit-qiz hujjat topshirdi. Kultura.uz xabar berishicha, ularning deyarli yarmi poytaxt yoshlaridir.
Viloyatlar bo‘yicha eng ko‘p hujjatlar Andijon (6,1%), Samarqand (6,1%), Namangan (5,2%) va Qashqadaryo (4%) viloyatlaridan tushgan. Toshkent va Samarqand viloyatlaridan tashqari, qolgan hududlarda abituriyentlar soni 60 foizdan 100 foizgacha oshgan. Eng kam arizalar Jizzax (1,3%), Sirdaryo (0,9%) va Qoraqalpog‘istondan (1,2%) kelib tushgan.
Ma’lum bo‘lishicha, abituriyentlar imtihon natijalari ham yaxshilanib bormoqda. Tanlov kattaligini hisobga olib va universitetdagi ta’lim darajasini saqlab turish maqsadida Buyuk Britaniyadagi Vestminster universiteti bilan kelishgan holda kirish imtihonlaridagi talablar kuchaytirildi.
Bu yil o‘tgan yilgidan 42 foizga ko‘p — 750 nafar talaba o‘qishga qabul qilinadi. 2014—2015-o‘quv yili uchun qabul davom etmoqda.
Izoh (0)