Vazirlar Mahkamasining 2014-yil 17-iyuldagi qarori bilan litsenziya asosidagi faoliyatni tartibga soluvchi normativ-huquqiy hujjatlarga o‘zgartirish kiritildi. Bu haqda Norma.uz xabar berdi.
Telekommunikatsiyalar sohasidagi faoliyatni litsenziyalash to‘g‘risidagi nizomga o‘zgartirishlar kirtilishi natijasida litsenziya da’vogari tomonidan hujjatlar litsenziyalovchi organga pochta aloqasidan tashqari, elektron shaklda ham yuboriladigan bo‘ldi.
Litsenziyalovchi organ tomonidan arizani ko‘rib chiqish uchun olinadigan yig‘im eng kam oylik ish haqining ikki barobaridan bir barobarigacha kamaytirildi.
Litsenziya berish yoki bermaslik haqida qaror qabul qilish uchun muddat o‘ttiz kundan yigirma kungacha qisqartirildi.
Hujjatda boshqa o‘zgartirishlar va qo‘shimchalar ham ko‘zda tutilgan.
Izoh (0)