Xalq deputatlari Toshkent shahar Kengashi qarori bilan 24-iyuldan poytaxtdagi bir qator geografik obyektlarga nom berildi, ba’zilarining nomlari esa o‘zgartirildi. Bu haqda Toshkent shahar hokimligi matbuot xizmati xabar berdi.
“Katta Qa’ni” mahallasi hududidagi tutash ko‘cha nomlarini uyg‘unlashtirish maqsadida Uchtepa tumanidagi G‘anipolvon ko‘chasi Qurilish 2-tor ko‘chasiga, G‘anipolvon 1-tor ko‘chasi — Katta Qa’ni 4-tor ko‘chasiga, G‘anipolvon berk ko‘chasi — Katta Qa’ni 4-berk ko‘chasiga, Shodlik ko‘chasi — Qurilish 3-tor ko‘chasiga aylantirildi. Shuningdek, “Ko‘kcha Oqtepa” mahallasi hududidagi ko‘cha nomini tartibga keltirish maqsadida Kosmos ko‘chasi Koinot ko‘chasi deya qayta nomlandi.
Shayxontohur tumani bo‘yicha Navoiy ko‘chasidan Kichik halqa yo‘ligacha bo‘lgan Shayxontohur ko‘chasi — Labzak, Shayxontohur tor ko‘chasi — Labzak tor ko‘chasi, Labzak ko‘chasi — Labzak 3-tor ko‘chasi, Zuhur Qobulov tor ko‘chasi — Taxtapul tor ko‘chasi deya o‘zgartirildi.
Yunusobod tumanida esa Nosirov ko‘chasi Minor tor ko‘chasiga, Kattasoy 1-berk ko‘chasi — Kattasoy 1-tor ko‘chasiga, Kattasoy 3-berk ko‘chasi Kattasoy 3-tor ko‘chasiga aylantirildi. Bundan tashqari, Do‘stlik mahallasi hududidagi nomsiz yangi ko‘cha Oltin meros ko‘chasi deb, yana to‘rtta nomsiz ko‘chalar esa Oltin meros 1,2,3,4-tor ko‘chasi deb nomlandi. “Otchopar-2” mahallasi hududidagi yangi tutash ko‘chalarga Uangishahar 5,6,7,8,9-tor ko‘chasi deya nom berildi.
Olmazor tumani hududida “Shifokorlar” mahallasidagi nomsiz yangi ko‘chalar Shifokorlar 3,4,5-tor ko‘chasi deb, nomzil yangi berk ko‘chalar esa Shifokorlar 1,2-berk ko‘chasi deb atala boshladi.
Izoh (0)