2014-yilning birinchi yarmida O‘zbekistonda sanoat ishlab chiqarish o‘tgan yilning shu davriga nisbatan 8,1 foizga o‘sdi. Bu ko‘rsatkich Hamdo‘stlik mamlakatlari orasida eng yuqorisi bo‘ldi, deya xabar berdi Finmarket.ru MDH statistika qo‘mitasiga tayanib.
Eng past natija esa Ukrainada kuzatildi, u yerda sanoat ishlab chiqarishi darajasi 4,7 foizga tushib ketdi.
Joriy yilning birinchi yarmi yakunlari bo‘yicha, sanoat sohasidagi o‘sish Qirg‘izistonda 7,2%, Moldaviyada 4,2%, Tojikistonda 2,9%, Rossiyada 1,5 foizni tashkil etdi. Armanistonda ushbu ko‘rsatkich nolga teng bo‘ldi.
Sanoat ishlab chiqarish pasayishi Ukrainadan tashqari, Qozog‘iston (-0,4%), Belorussiya (-1%) va Ozarboyjonda (-2,4%) ham kuzatildi. MDH statistika qo‘mitasiga Turkmaniston sanoat ishlab chiqarishi haqida ma’lumot kelib tushmagan.
Izoh (0)