2014 йилнинг биринчи ярмида Ўзбекистонда саноат ишлаб чиқариш ўтган йилнинг шу даврига нисбатан 8,1 фоизга ўсди. Бу кўрсаткич Ҳамдўстлик мамлакатлари орасида энг юқориси бўлди, дея хабар берди Finmarket.ru МДҲ статистика қўмитасига таяниб.
Энг паст натижа эса Украинада кузатилди, у ерда саноат ишлаб чиқариши даражаси 4,7 фоизга тушиб кетди.
Жорий йилнинг биринчи ярми якунлари бўйича, саноат соҳасидаги ўсиш Қирғизистонда 7,2%, Молдавияда 4,2%, Тожикистонда 2,9%, Россияда 1,5 фоизни ташкил этди. Арманистонда ушбу кўрсаткич нолга тенг бўлди.
Саноат ишлаб чиқариш пасайиши Украинадан ташқари, Қозоғистон (-0,4%), Белоруссия (-1%) ва Озарбойжонда (-2,4%) ҳам кузатилди. МДҲ статистика қўмитасига Туркманистон саноат ишлаб чиқариши ҳақида маълумот келиб тушмаган.
Изоҳ (0)