АҚШнинг Шимолий Каролина штатидаги Mary’s Gourmet Diner тамаддихонаси эгалари овқатдан олдин ўқилган дуо учун ўз мижозларига 15 фоизли чегирма тақдим этади. Бу ҳақда HLN хабар берди.
Муассаса бекаси Мери Ҳаглунд чегирманинг доим ҳам берилавермаслигини, буни ходимлар ҳал этишини айтди.
Тамаддихонанинг миннатдор ташрифчиларидан бири июль охирида Facebook’ка дуо учун берилган чегирма акс этган чек фотосуратини жойлайди. У бир неча кун ичида ўн мингга яқин «лайк» йиғади. Рестораннинг ижтимоий тармоқдаги саҳифаси мухлислари ҳам шундан кейин деярли икки баробар кўпайган.
Мери Ҳаглунд ўз муассасасида бундай амалиёт тўрт йилдан буён урфга кирганини таъкидлади. «Бироқ биз бунга қоида сифатида қарамаймиз. Шунчаки, кимдир овқатланишдан олдин дуо ўқиб турганини кўрсам, чегирма орқали уларга ўз миннатдорлигимни изҳор этаман», — деди у.
Изоҳ (0)