Facebook foydalanuvchilaridan biri “Potrebitel” guruhiga yo‘nalishli taksi saloni aks etgan rasmni joyladi. Unda “Iftorlik vaqtigacha bepul” degan yozuvni ko‘rish mumkin. “Bu Andijonda. Bepul taksi”, — deya izoh berdi post muallifi.
Xabarga bildirilgan fikrlarda Andijonda marshrutka iftorlik vaqtigacha bepul xizmat qilayotganiga ko‘pchilik ishonmaganini payqash mumkin. “Kuni bo‘yi bepulmi yoki iftorlik vaqtiga yaqin paytlardami?” — deya ba’zilar shubha bilan so‘ragan bo‘lsa, boshqalar “Ishonmayman”, — deb ochiqchasiga ta’kidlagan.
Foydalanuvchilardan biri faqat ro‘zadorlarga bepul xizmat ko‘rsatilishini taxmin qilgan. Unga javoban, post muallifi insofli haydovchilar bor joyda halol yo‘lovchilar ham borligini qayd etgan. “Ro‘za tutmaganlar uyalganidan ham yo‘lkirani to‘lasa kerak”, — deb yozgan u.
Izoh (0)