2014-yilning birinchi yarmida O‘zbekiston mashinasozlik korxonalari tomonidan 6916,2 milliard so‘mlik mahsulot ishlab chiqarildi, bu o‘tgan yilning shu davriga nisbatan 17,1 foizga ko‘p demakdir.
O‘zbekiston Respublikasi Davlat statistika qo‘mitasi xabar berishicha, yanvar—iyun oylarida sohaning respublika sanoati umumiy hajmidagi hissasi 20 foizni tashkil qildi, bu o‘tgan yilgiga nisbatan 1,6 foizga ko‘proq.
2013-yilning birinchi olti oyiga qaraganda avtobuslar ishlab chiqarish 24,7 foizga, yuk mashinalari — 18,9%, yengil mashinalar — 6,3 foizga, jumladan “Kaptiva” ishlab chiqarish 2,8 marta, “Malibu” — 1,8 marta, “Kobalt” — 9,7 foizga oshgan. “Jentra”(27 mingta) va “Orlando” (563 ta) modelidagi avtomobillar ishlab chiqarish hajmini oshirish davom etmoqda.
Shu bilan birga, porshenli dvigatellarni ishga tushirish uchun qo‘rg‘oshinli akkumulyatorlar (2013-yil yanvar-iyuniga nisbatan 110,3%), avtomobil dvigatellari (129,5%), radiatorlar, shovqinpasaytirgichlar, chiqarish trubalari, ssepleniyelar, rul chambaraklari (127,1%), yuruvchi g‘ildiraklar, ularning qismlari va jihozlari (2,9 marta)ni ishlab chiqarish hajmlari oshdi.
Izoh (0)