GM Uzbekistan yopiq aksiyadorlik jamiyati qo‘shma korxonasi Rossiyaga avtomobil sotishni 2014-yil yanvar—iyunida o‘tgan yilning shu davriga nisbatan 12 foizga — 24019 donagacha kamaytirdi. Bu haqda Yevropa biznes assotsiatsiyasi Avtomobil ishlab chiqaruvchilar qo‘mitasiga tayanib, UzDaily xabar berdi.
Ma’lum bo‘lishicha, korxona iyun oyida 3134 ta avtomobil sotgan, bu 2013-yilning iyun oyidagi ko‘rsatkichdan 13 foizga kamdir. Qo‘mita GM Uzbekistan modellarining sotilish hajmi haqida aniq ma’lumot bermagan.
Korxonaning Rossiya bozoridagi ulushi 2014-yilning birinchi yarmida 2 foizni tashkil qildi, bu o‘tgan yilning shu davridagi ko‘rsatkich bilan tengdir.
2014-yilning birinchi yarmi natijalariga ko‘ra, GM Uzbekistan YoAJ QK Rossiyadagi avtomobillar savdosi hajmi bo‘yicha 18-o‘rinni band etdi. Korxona modellaridan hech qaysisi ushbu davrdagi bestsellerlar yuqori 25 taligiga kirmadi.
Izoh (0)