GM Uzbekistan ёпиқ акциядорлик жамияти қўшма корхонаси Россияга автомобиль сотишни 2014 йил январь—июнида ўтган йилнинг шу даврига нисбатан 12 фоизга — 24019 донагача камайтирди. Бу ҳақда Европа бизнес ассоциацияси Автомобиль ишлаб чиқарувчилар қўмитасига таяниб, UzDaily хабар берди.
Маълум бўлишича, корхона июнь ойида 3134 та автомобиль сотган, бу 2013 йилнинг июнь ойидаги кўрсаткичдан 13 фоизга камдир. Қўмита GM Uzbekistan моделларининг сотилиш ҳажми ҳақида аниқ маълумот бермаган.
Корхонанинг Россия бозоридаги улуши 2014 йилнинг биринчи ярмида 2 фоизни ташкил қилди, бу ўтган йилнинг шу давридаги кўрсаткич билан тенгдир.
2014 йилнинг биринчи ярми натижаларига кўра, GM Uzbekistan ЁАЖ ҚК Россиядаги автомобиллар савдоси ҳажми бўйича 18-ўринни банд этди. Корхона моделларидан ҳеч қайсиси ушбу даврдаги бестселлерлар юқори 25 талигига кирмади.
Изоҳ (0)