O‘zbekistonga psixotrop modda olib kirgan uch nafar xorijlik qo‘lga olindi

Italiyaning ikki nafar va Avstriyaning bir nafar fuqarosi O‘zbekistonda respublikaga psixotrop moddalar olib kirgani uchun qo‘lga olindi, deya xabar berdi Anhor.uz.

Shifokor Norbert Peskosta, rassom Arnold Mario Dall’O va yozuvchi Raul Shrott Delorazepam deb nomlanuvchi modda olib kirishda ayblanmoqda.

Norbert Peskosta moddani dori sifatida olib yurishini, parvozdan qo‘rqqani uchun shu doridan foydalanishini ma’lum qilgan. U bojxona deklaratsiyasini to‘ldirish vaqtida “til bilmagani tufayli” “giyohvandlik vositalari” katakchasiga belgi qo‘ymaganini aytmoqda. Shifokor Nukusga keltirilgan. Tahlil olib borilayotgan vaqtda u hibsda saqlanmoqda.

Shifokorning do‘sti rassom Dall’O u bilan birga qoldi, avstriyalik yozuvchi esa Janubiy Tirolga uchib ketishga muvaffaq bo‘ldi.

Psixotrop modda musodara qilindi. Italiya elchixonasiga voqea haqida xabar berildi.