Италиянинг икки нафар ва Австриянинг бир нафар фуқароси Ўзбекистонда республикага психотроп моддалар олиб киргани учун қўлга олинди, дея хабар берди Anhor.uz.
Шифокор Норберт Пескоста, рассом Арнольд Марио Далл’О ва ёзувчи Рауль Шротт Delorazepam деб номланувчи модда олиб киришда айбланмоқда.
Норберт Пескоста моддани дори сифатида олиб юришини, парвоздан қўрққани учун шу доридан фойдаланишини маълум қилган. У божхона декларациясини тўлдириш вақтида «тил билмагани туфайли» «гиёҳвандлик воситалари» катакчасига белги қўймаганини айтмоқда. Шифокор Нукусга келтирилган. Таҳлил олиб борилаётган вақтда у ҳибсда сақланмоқда.
Шифокорнинг дўсти рассом Далл’О у билан бирга қолди, австриялик ёзувчи эса Жанубий Тиролга учиб кетишга муваффақ бўлди.
Психотроп модда мусодара қилинди. Италия элчихонасига воқеа ҳақида хабар берилди.
Изоҳ (0)