Butunjahon sog‘liqni saqlash tashkilotining 2014-yilda spirtli ichimliklar iste’moli bo‘yicha dunyo mamlakatlari reytingida O‘zbekiston 131-o‘rinni egalladi. Bu haqda Anhor.uz xabar berdi.
Ma’lum bo‘lishicha, respublikada bir yilda kishi boshiga 3,5 litr spirtli ichimlik to‘g‘ri keladi. O‘zbekiston ro‘yxatda Salvador (3,61 litr) va Papua-Yangi Gvineya (3,49 litr) o‘rtasida joylashdi.
Reytingda Moldova yetakchilik qildi: u yerda har bir kishi 18,22 litr spirtli ichimlik iste’mol qiladi. Kishi boshiga 15,45 litr bilan Chexiya ikkinchi o‘rinda bo‘lsa, keyingi pog‘onalarni Vengriya (16,27 litr), Rossiya (15,76 litr) va Ukraina (15,60) band etdi.
Afg‘oniston (0,02 litr), Pokiston (0,06 litr), Quvayt (0,10 litr), Mavritaniya (0,11 litr) va Liviya (0,11 litr) eng kam “ichadigan” mamlakatlar bo‘lib chiqdi.
Izoh (0)