Бутунжаҳон соғлиқни сақлаш ташкилотининг 2014 йилда спиртли ичимликлар истеъмоли бўйича дунё мамлакатлари рейтингида Ўзбекистон 131-ўринни эгаллади. Бу ҳақда Anhor.uz хабар берди.
Маълум бўлишича, республикада бир йилда киши бошига 3,5 литр спиртли ичимлик тўғри келади. Ўзбекистон рўйхатда Салвадор (3,61 литр) ва Папуа-Янги Гвинея (3,49 литр) ўртасида жойлашди.
Рейтингда Молдова етакчилик қилди: у ерда ҳар бир киши 18,22 литр спиртли ичимлик истеъмол қилади. Киши бошига 15,45 литр билан Чехия иккинчи ўринда бўлса, кейинги поғоналарни Венгрия (16,27 литр), Россия (15,76 литр) ва Украина (15,60) банд этди.
Афғонистон (0,02 литр), Покистон (0,06 литр), Қувайт (0,10 литр), Мавритания (0,11 литр) ва Ливия (0,11 литр) энг кам «ичадиган» мамлакатлар бўлиб чиқди.
Изоҳ (0)