O‘zbekiston aholisining 91 foizi turli sohalardagi ijobiy o‘zgarishlarni sezayotgani ma’lum bo‘ldi

O‘zbekistonda o‘tkazilgan so‘rov natijalariga ko‘ra, unda qatnashganlarning 90 foizi mamlakatdagi sud-huquq islohotlari ancha tez va samarali amalga oshmoqda, deb hisoblaydi. 93 foizga yaqini esa o‘z huquq va erkinliklari buzilishidan huquqiy himoyalanganlik hissiga ega. Bu haqda “Jahon” AA xabar berdi.

“Ijtimoiy fikr” jamoatchilik fikrini o‘rganish markazi “Sud-huquq tizimidagi islohotlarning jamoatchilik fikrida aks etishi” ijtimoiy so‘rovini o‘tkazdi. Bundan ko‘zlangan maqsad mamlakatda amalga oshirilayotgan sud-huquq islohotlari haqida fuqarolar qanchalik darajada ma’lumotga egaligini aniqlashdan iborat bo‘ldi.

So‘rov natijalaridan ma’lum bo‘lishicha, 2014-yilda fuqarolarning mamlakatda qabul qilingan Qonun va Kodekslarni o‘rganishga qiziqishi 10 foizga oshgani kuzatilmoqda.

Respondentlarning 91,5 foizi davlat va jamiyat hayotidagi turli sohalarda ijobiy o‘zgarishlarni sezayotganliklarini bildirgan.

84,3% aholi umuman, olganda, Qonun nimaligi, ma’lum bir Qonunning vazifasidan xabardorligi aniqlandi.