Rossiya prezidenti Vladimir Putin Ukrainada saylanadigan yangi preizdent bilan aloqalar o‘rnatishda qiyinchiliklar yuzaga kelishini bashorat qildi. Bu haqda Reuters xabar berdi.
Moskva yakshanba kuni bo‘lib o‘tadigan saylovlarning qonuniy ekaniga shubha bildirmoqda. Putinning aytishicha, Ukrainada saylovlardan avval yangi Konstitutsiya haqida referendum o‘tkazish mantiqliroq bo‘lar edi. “Ukraina hukumati kuchlari va ayirmachilar o‘rtasidagi to‘qnashuvlarga barham bermay turib saylov o‘tkazish qonuniy bo‘la olmaydi”, - dedi u.
Putin o‘zining Xitoyga tashrifi chog‘ida jurnalistlarga bergan intervyusida aytishicha, “Ukraina janubi-sharqida jazo operatsiyalari davom etayotgan paytda hukumat tepasiga keladigan odamlar bilan til topishishi qiyin bo‘ladi”.
Izoh (0)