Shimoliy Koreyada 23 qavatli turar joy qulab tushishi natijasida ko‘plab kishilar halok bo‘ldi. Shu munosabat bilan Janubiy Koreya unga ta’ziya izhor etdi. Bu haqda “ITAR-TASS” xabar berdi.
“Ushbu hodisa natijasida ko‘plab qurbonlarning bo‘lgani yuzasidan ta’ziya bildiramiz”, — deyiladi KXDR Qizil Xoch jamiyatiga yuborilgan maktubda.
Rasmiy Seulning ta’ziyasi Shimoliy Koreya poytaxtidagi halokat haqida Pxenyan xabar berganidan ikki kun o‘tib, yuborildi. KXDR davlat OAVlari hodisani “jiddiy halokat” deb atadi.
Bundan avval Janubiy Koreya KXDRga 2006-yilda ta’ziya bildirgan edi. O‘shanda Shimoliy Koreyada suv toshqini ro‘y bergan, natijada yuzlab odamlar halok bo‘lgan va bedarak yo‘qolgan edi.
Izoh (0)