AQSh Markaziy razvedka boshqarmasi (MRB) direktori Jon Brennan chet eldagi razvedkachilik faoliyatini niqoblash uchun tibbiy xodimlar ishtirokidagi emlash kampaniyasidan boshqa foydalanmaslikka qaror qildi. Bu haqda Oq uy vakili Keytlin Xeyden bayonotiga asoslanib, Interfax xabar berdi.
MRB agentlari Usama bin Laden yashiringan joyni aniqlash uchun gepatitga qarshi emlash bahonasidan foydalangan edi. O‘tgan yilning yanvarida 12 ta tibbiyot universiteti dekanlari MRBga xat yo‘llab, uning bu xatti-harakatini qoralagan edi.
Nashrning eslatishicha, MRBning ushbu faoliyati muvaffaqiyatsizlik bilan tugagan, ularga yordam bergan pokistonlik shifokor xoinlikda ayblanib, 23 yilga qamalgan. MRB operatsiyasi fosh bo‘lgach, Pokistondagi gumanitar tashkilot a’zolari shubha ostiga tushgan, ularning ba’zilari o‘ldirilgan.
Izoh (0)