Misr sobiq prezidenti o‘z qarorgohini ta’mirlagani uchun uch yilga qamaldi

Misrning sobiq prezidenti Husni Muborak uch yillik qamoq jazosiga hukm qilindi. Bu haqda Euronews xabar berdi.

U byudjet mablag‘larini qonunga xilof ravishda sarflaganlikda ayblandi. Uning ikki o‘g‘li ham xuddi shu ayblov bilan to‘rt yilga qamaldi.

Ma’lum bo‘lishicha, davlat rahbari o‘z qarorgohini ta’mirlash uchun davlat xazinasini o‘margan.

Uning advokati ushbu ayblovni pudratchi firmalarga yo‘naltirish kerakligini ta’kidladi. “Ko‘rilayotgan ishdagi binolardan biri Misr razvedkasiga tegishli, uning davlat rahbariga hech qanday aloqasi yo‘q”, — dedi u.

Shunday bo‘lsa-da, keksa sobiq prezidentni harbiy gospitaldan Qohira chekkasidagi qamoqxonaga o‘tkazish haqida qaror qabul qilinib bo‘ldi.