Yevroittifoq chuqur tanglikni boshdan kechirmoqda, uning taraqqiyotini davom ettirish va Yevropa sivilizatsiyasini saqlab qolishini kafolatlash uchun uning tuzilmasiga o‘zgartirish kiritish kerak. Bu haqda Fransiya sobiq prezidenti Nikolya Sarkozi Le Point jurnaliga bergan intervyusida gapirib o‘tdi, deya xabar berdi “ITAR-TASS”.
Sarkozi fikricha, “yagona fransuz-german iqtisodiy hududi”, shuningdek amaldagi Shengen kelishuvining o‘rnini bosadigan chegara rejimi haqidagi yangi bitim Yevropa tuzilmasini isloh qilishning poydevori bo‘lib xizmat qilishi kerak.
“Parij va Berlin o‘z munosabatlarida muvozanat o‘rnatishi kerak, – dedi Nikolya Sarkozi. – Agar Yevroittifoqning iqtisodiy jihatdan yirik ikki davlati iqtisodiyot va soliq sohasida birlashsa, Yevrohudud bundan faqat foyda ko‘radi, qit’amiz esa barqarorlashadi”.
Izoh (0)