O‘zbekistonliklar Turkiyaga turmushga chiqish bo‘yicha 2-o‘rinni egalladi

2024-yilda 3509 o‘zbekistonlik ayol Turkiya fuqarolariga turmushga chiqdi. Bu haqda Turkiya Statistika Instituti (TÜİK) ma’lumot berdi. 

Bu ko‘rsatkich bilan O‘zbekiston ayollari turk erkaklari turmush qurayotgan xorijliklar orasida ikkinchi o‘rinni egalladi.

Turkiyaliklar uylanayotgan top-5 mamlakatlar:

1. Suriya – 3 519;
2. O‘zbekiston – 3 509;
3. Marokash – 2 427;
4. Ozarbayjon – 2 195;
5. Rossiya – 1 945.

Bundan tashqari, turkiyalik qizlar turmushga chiqayotgan xorijliklar reytingi ham e’lon qilindi. Unga ko‘ra, turk qizlari 2024-yilda eng ko‘p Suriya mamlakati vakillariga (1222) turmushga chiqqan. Keyingi o‘rinlardan Germaniya (1156), Afg‘oniston (338) o‘rin olgan.

Agentlik ma’lumotlariga ko‘ra, 2024-yili 10 842 nafar o‘zbekistonlik xorijiy davlatlarga doimiy yashash uchun ko‘chib ketgan.

Avvalroq Rossiyada norezidentlar uy-joy sotib olishi bo‘yicha o‘zbekistonliklar top uchlikka kirgani, o‘zbekiston fuqarosi 5 million dollarga Janubiy Koreya poytaxti Seuldan kvartira sotib olgani xabar qilingandi.