O‘zbekiston fuqarosi Janubiy Koreyaning Seul shahridan 7,4 milliard vonga (taxminan 5 million 94 ming dollar) kvartira sotib oldi. Bu haqda Choson.biz nashri xabar berdi.
Qayd etilishicha, Seul shahridagi mashhur Banpo Xi turar joy kompleksida joylashgan 244 metr kvadrat maydonga ega kvartirani 41 yoshli fuqaro A. sotib olgan. 2024-yil noyabrida amalga oshirilgan ushbu bitim hududdagi eng qimmati bo‘lgan.
Hisob-kitob to‘liq naqd pulda amalga oshirilgani aytilmoqda, chunki mulk dalolatnomasida alohida ipoteka ro‘yxatdan o‘tkazilmagan. Xaridorning manzili sifatida Toshkentdagi “Koreya—O‘zbekiston an’anaviy tibbiyot klinikasi” ko‘rsatilgan.
Banpo Xi — 3410 ta turar joydan iborat katta majmua bo‘lib, bu yerdagi xonadonlarda Janubiy Koreyaning bir qator boy va mashhur insonlari yashaydi.
Bundan avval O‘zbekiston fuqarolari Rossiyada uy-joy sotib oluvchi norezidentlar bo‘yicha top uchlikka kirgani haqida xabar berilgan edi.
Izoh (0)