Ўзбекистонликлар Туркияга турмушга чиқиш бўйича 2-ўринни эгаллади

2024 йилда 3509 ўзбекистонлик аёл Туркия фуқароларига турмушга чиқди. Бу ҳақда Туркия Статистика Институти (ТÜİК) маълумот берди. 

Бу кўрсаткич билан Ўзбекистон аёллари турк эркаклари турмуш қураётган хорижликлар орасида иккинчи ўринни эгаллади.

Туркияликлар уйланаётган топ-5 мамлакатлар:

1. Сурия – 3 519;
2. Ўзбекистон – 3 509;
3. Марокаш – 2 427;
4. Озарбайжон – 2 195;
5. Россия – 1 945.

Бундан ташқари, туркиялик қизлар турмушга чиқаётган хорижликлар рейтинги ҳам эълон қилинди. Унга кўра, турк қизлари 2024 йилда энг кўп Сурия мамлакати вакилларига (1222) турмушга чиққан. Кейинги ўринлардан Германия (1156), Афғонистон (338) ўрин олган.

Агентлик маълумотларига кўра, 2024 йили 10 842 нафар ўзбекистонлик хорижий давлатларга доимий яшаш учун кўчиб кетган.

Аввалроқ Россияда норезидентлар уй-жой сотиб олиши бўйича ўзбекистонликлар топ учликка киргани, ўзбекистон фуқароси 5 миллион долларга Жанубий Корея пойтахти Сеулдан квартира сотиб олгани хабар қилинганди.