Podpolkovnik Farrux Haydarov Sirdaryo viloyati Ichki ishlar boshqarmasi boshlig‘i etib tayinlandi. Bu haqda IIV matbuot xizmati xabar berdi.
Ma’lum qilinishicha, tayinlovga qadar u Ichki ishlar vazirligi akademiyasining magistratura bosqichi tinglovchisi edi.
Sirdaryo viloyati Ichki ishlar boshqarmasiga 2022-yil oktyabridan buyon polkovnik Sanjar Djabarov rahbarlik qilib kelayotgandi. U 2025-yil 16-mart kuni Andijon viloyati Ichki ishlar boshqarmasi boshlig‘i lavozimiga tayinlandi.
Andijon viloyati Ichki ishlar boshqarmasiga 2021-yil mart oyidan buyon boshliq bo‘lgan polkovnik Ayubxon Rahmatullayev esa 2025-yil 11-mart kuni ichki ishlar vazirining birinchi o‘rinbosari lavozimiga tayinlandi.
15-mart kuni Xorazm viloyati IIBga ham yangi boshliq tayinlangandi. Ushbu lavozimni Toshkent shahar Yunusobod tumani ichki ishlar faoliyatini muvofiqlashtirish boshqarmasi boshlig‘i lavozimida faoliyat yuritib kelgan Abdumajid Shermuhamedov egalladi.
Izoh (0)