Abdumajid Shermuhamedov Xorazm viloyati IIB boshlig‘i lavozimiga tayinlandi. Bu haqda viloyat hokimligi xabar berdi.
Unga ko‘ra, Abdumajid Shermuhamedov bunga qadar Toshkent shahar Yunusobod tumani ichki ishlar faoliyatini muvofiqlashtirish boshqarmasi boshlig‘i lavozimida faoliyat yuritib kelgan.
Ma’lumot uchun, Abdumajid Shermuhamedov o‘z vaqtida Chilonzor tumani IIB boshlig‘i bo‘lib ishlagan. U 2017-yil aprel oyi o‘rtalarida, prezident Shavkat Mirziyoyev Chilonzor tumaniga tashrif buyurganidan so‘ng, tuman hokimi bilan birgalikda egallab turgan vazifasidan ozod etilgandi.
2024-yil may oylarida bosh prokuror buyrug‘i bilan Abdumajid Shermuhamedov faxriy yorliq bilan taqdirlangan. U hududda jinoyatchilikni jilovlagan, ikkinchi sektor hududida ijtimoiy-iqtisodiy barqarorlikka erishgan. Shuningdek, tashqi migratsiyada bo‘lgan shaxslar va ularning oila a’zolariga amaliy ko‘mak bergan.
Ichki ishlar vazirligida O‘zbekistonda jinoyatchilikka qarshi kurashish, kriminogen vaziyatni barqarorlashtirish hamda shaxsga doir maʼlumotlarni himoya qilish masalalarini takomillashtirishga qaratilgan vazifalarning ijrosi yuzasidan tezkor yig‘ilish o‘tkazilib, vazirga birinchi o‘rinbosar tayinlangandi. Prezident qarori bilan Andijon viloyati IIB boshlig‘i lavozimini egallab kelgan polkovnik Ayubxon Rahmatullayev ichki ishlar vazirining birinchi o‘rinbosari lavozimiga tayinlandi.
Izoh (0)