Uzbekistan Airways faqat 15-aprel kuni HY301/302 Toshkent—Tel-Aviv—Toshkent yo‘nalishidagi aviaqatnovlarini bekor qiladi. Bu haqda aviakompaniya matbuot xizmati xabar berdi.
Qayd etilishicha, bu Yaqin Sharq mamlakatlarining bir qismi ustidan havo hududining yopilishi munosabati bilan, shuningdek, O‘zbekiston aviatsiya hukumatining parvozlar xavfsizligini taʼminlash zarurati bilan bog‘liq qarorini hisobga olgan holda amalga oshirilmoqda.
Faqat 15-aprel kuni amalga oshirilishi rejalashtirilgan HY301/302 aviaqatnovi aviachiptalarini qayta bron qilish yoki pul mablag‘larini jarima undirilmagan holda qaytarish uchun yo‘lovchilardan Uzbekistan Airways Sales filialiga yoki aviakompaniyaning xorijdagi vakolatxonalariga murojaat qilishlari mumkin.
Eronning 13-aprel kuni Isroilga hujumi munosabati bilan Misr, Iordaniya va Livan havo hududini yopgandi. Shuningdek, Fransiya hukumati 14-aprel kuni Eronda bo‘lib turgan fuqarolariga murojaat qilib, ularni mamlakatni vaqtinchalik tark etishga chaqirdi.
Izoh (0)