Fransiya hukumati 14-aprel kuni Eronda bo‘lib turgan fuqarolariga murojaat qilib, ularni mamlakatni vaqtinchalik tark etishga chaqirdi. Bu haqda Al Jazeera nashri xabar berdi.
Manbaga ko‘ra, mazkur bayonot Fransiyaning Tehrondagi elchixonasi tomonidan eʼlon qilingan. Fransiya fuqarolarini vaziyat keskinlashishi mumkinligidan ogohlantirgan.
“Fuqarolardan sayohatda juda ehtiyot bo‘lishlari va har qanday yig‘ilishlardan qochishlari so‘raladi”, — deyiladi bayonotda.
Oldinroq Isroil armiyasi Fransiya Eron hujumining oldini olishga yordam bergan davlatlardan biri ekanini maʼlum qilgan edi. Bu bayonotdan so‘ng Eron Tashqi ishlar vazirligi mamlakatning Isroilga yo‘llagan javob zarbalariga nisbatan tutgan pozitsiyasi uchun Fransiya elchisini chaqirtirib, ogohlantirish bergan.
Izoh (0)