Moskva viloyatidagi “Piknik” guruhining konserti bo‘lib o‘tayotgan Crocus City Hall konsert zalida sodir bo‘lgan terakt oqibatida kamida 60 kishi halok bo‘ldi. Uzbekistan Airways’ning ma’lum qilishicha, hozirda Moskvada xavfsizlik choralari kuchaytirilgan.
Uzbekistan Airways “Domodedovo” va “Vnukovo” xalqaro aeroportlaridan parvoz qiladigan yo‘lovchilarni Moskva aeroportlariga belgilangan vaqtdan oldinroq kelishlarini so‘raydi, — deyiladi aviakompaniya xabarida.
Rossiya Federal xavfsizlik xizmati 22-mart kuni kechqurun Crocus Citi Hall’da o‘tkazilishi kerak bo‘lgan konsert oldidan otishma va yong‘in sodir bo‘lganini ma’lum qilgandi. Tergov qo‘mitasi ma’lumotlariga ko‘ra, qurbonlar soni 60 kishidan oshishi mumkin. Sog‘liqni saqlash vaziri Mixail Murashko 115 kishi shifoxonaga yotqizilgani, ularning besh nafari bolalar ekanini aytgan. Terakt yuzasidan jinoyat ishi qo‘zg‘atilgan.
Izoh (0)