Toshkent metropoliteni vagon parkiga 4-fevral kuni yangi 3 ta metro poyezdlari olib kelindi, deb xabar bermoqda metropoliten matbuot xizmati.
Ushbu harakat tarkiblari belgilangan yo‘riqnomaga asosan, 7-10 kun davomida texnik sinovdan o‘tkazilib, so‘ngra xizmat ko‘rsatish uchun yo‘nalishlarga chiqariladi.
Qayd etilishicha, fevral oyi davomida yana shu turdagi 3 ta metro poyezdlari olib kelinishi rejalangan. Bu rejaviy ishlar natijasida, metro vagon parklarini yangilash va belgilangan vaqt intervallarini yanada qisqartishga erishish maqsad qilingan.
11-yanvar kuni Toshkent metropoliteniga yangi to‘rt vagonli 3 ta zamonaviy metro poyezdlari olib kelingandi. 2024-yil 31-dekabr kuni ham 3 ta yangi harakat tarkibi — 12 ta metro vagoni keltirilgandi.
Transport vazirligi bergan ma’lumotga ko‘ra, 2017-yildan 2019-yilgacha 36 ta poyezd ekspluatatsiya qilingan. 2024-yilga kelib ularning soni 65 taga yetkazildi. 2025-yil yakuniga qadar 26 ta zamonaviy tarkib xarid qilinishi rejalashtirilgan.
Izoh (0)