Jizzax viloyatining Zarbdor tumanida 17-yanvar kuni Xalq deputatlari tuman kengashining navbatdan tashqari sessiyasi bo‘lib o‘tdi. Bu haqda viloyat hokimligi matbuot xizmati xabar berdi.
Unda viloyat hokimi vazifasini bajaruvchi Ulug‘bek Mustafoyev ishtirok etdi. Sessiyada tashkiliy masala ko‘rildi.
Viloyat hokimi Zarbdor tumani hokimi lavozimiga tavsiya etilgan nomzod Jizzax viloyati soliq boshqarmasi boshlig‘i Bekzod Toshpo‘latovni tanishtirdi.
Viloyat hokimi qarori deputatlar tomonidan bir ovozdan tasdiqlandi.
Ma’lumot uchun, 28-dekabr kuni Zarbdor tumani hokimi Zafar Ruziyev viloyat hokimining qishloq va suv xo‘jaligi masalalari bo‘yicha o‘rinbosari — qishloq xo‘jaligi boshqarmasi boshlig‘i lavozimiga tayinlangan edi.
19-dekabr kuni Ergash Soliyev boshqa ishga o‘tishi munosabati bilan Jizzax viloyati hokimi lavozimidan ozod etilgandi. Uning o‘rniga Ulug‘bek Mustafoyev Jizzax viloyati hokimi vazifasini bajaruvchi lavozimiga tayinlandi. Tayinlovga qadar u 2019-yil aprelidan buyon “Hududiy elektr tarmoqlari” aksiyadorlik jamiyati boshqaruvi raisi lavozimida ishlab kelgan.
Izoh (0)