Florida shtatining Polk shahrida bog‘ qaychisi bilan qurollangan fuqaro alligatordan qutilganidan bir necha daqiqa o‘tib politsiya tomonidan otib tashlangan. Bu haqda MyTwinTiers nashri xabar bermoqda.
Voqea 26-may, dushanba kuni yuz bergan. Polk okrugi aholisi politsiyaga g‘alati xatti-harakatli erkak alligatorlar to‘la ko‘lda suzayotganini xabar qilgan. Guvohlar unga qutqaruv halqasini tashlab, yordam bermoqchi bo‘lgan, ammo erkak ularga qarab irillagan.
So‘ngra u tanasida alligator tishlarining izlari ko‘rinib turgan holda ko‘ldan chiqqan va bog‘dorchilik qaychisi bilan uylar orasida izg‘ib yurgan. Shuningdek, u g‘isht bilan yuk mashinasini buzishga uringan.
Politsiyachilar yetib kelgach, erkak qaychi bilan ularga tashlangan. Uni ikki marta elektroshoker bilan urgan holda tinchlantirishga harakat qilishgan, biroq bu ta’sir qilmagan. Qoidabuzar politsiya mashinasining yo‘lovchi o‘rindig‘iga chiqib, sherifning qurolini tortib olmoqchi bo‘lgan. Shundan so‘ng sherif yordamchilari erkakka qarata o‘t ochishgan. Jarohatlar hayot uchun xavfli bo‘lib chiqqan.
Ta’kidlanishicha, halok bo‘lgan shaxs 42 yoshli Timoti Shuls bo‘lib, u taqiqlangan moddalarni iste’mol qilgani uchun avval ham ikki marta qamalgan.
Izoh (0)