Orlandodagi (Florida, AQSh) Walt Disney World istirohat bog‘ida alligator hujumiga uchragan ikki yoshli bola halok bo‘ldi. Bu haqda, Orinj okrug sherifi Jerri Demingsning bayonotiga asoslanib, “TASS” xabar bermoqda.
“Bolaning halok bo‘lganiga shubha yo‘q”, — dedi u. Shuningdek, u, oradan 15 soat o‘tib, endi gap qutqaruv operatsiyasi haqida ketmayotganini qayd qilib o‘tdi.
Sherif bolaning tanasini topish uchun zaruriy ishlar amalga oshirilishini qo‘shimcha tarzda aytib o‘tdi.
Timsoh 14-iyun, seshanba kuni oila sohilda dam olayotganida ikki yoshli bolaga hujum qildi. Otasi bolaning boshini alligatorning tishlaridan tortib olish uchun suvga tushdi, ammo buni uddalay olmadi.
Bir muddat ilgari bog‘dagi to‘rt timsoh tutib o‘ldirilgani xabar qilingan edi.
Izoh (0)