Uchta asteroid 28-may kuni Yer oldidan uchib o‘tadi, ular potensial xavfli asteroidlar hisoblanadi. Bu haqda AQSH kosmik agentligi (NASA) xabar berdi.
Mazkur asteroidlar sayyora uchun to‘g‘ridan-to‘g‘ri xavf tug‘dirmaydi. Ular 2025 KW (diametri 29,7 metr, samolyot kattaligiday), 2025 JR (79,5 metr, bino kattaligiday) va 2025 KU1 (20,2 metr) nomli asteroidlar sanaladi.
Yana ikkita asteroid — 2025 KT1 va 2025 JP Yer atrofidan 26 va 27-may kunlari uchib o‘tgan. Birinchisining diametri 12,8 metr, ikkinchisiniki esa 25,3 metr (samolyot kattaligiday).
NASA tasnifiga ko‘ra, Yerga 7,4 million kilometr masofaga yaqinlashadigan asteroidlar “potensial xavfli” hisoblanadi. Ushbu obyektlarning barchasi juda katta tezlikda uchishiga qaramay, ular Yerga hech qanday xavf tug‘dirmaydi. Har yili NASA teleskoplari Yerga yaqinlashayotgan 3000 dan ortiq yangi asteroidlarni qayd etadi. Ularning anchagina qismi atmosferada yonib ketadi.
2025-yil yanvar oyida 2024 YR4 asteroidi sayyoramiz uchun potensial xavfli osmon jismlari ro‘yxatida birinchi o‘rinni egallagan. O‘shanda uning Yer bilan to‘qnashish ehtimoli 1,3 foizni tashkil etgandi. Kosmik jismning diametri esa 100 metr deb baholangan. Ushbu asteroidning Yer bilan ehtimoliy to‘qnashuvi global halokatga olib kelmasligi prognoz qilingandi.
Izoh (0)