“Garri Potter”ning yangi versiyasini yaratish bilan shug‘ullanayotgan HBO Max servisi serialdagi asosiy rollarni ijro etuvchilarning ismlarini eʼlon qildi. Bu haqda Collider portali xabar berdi.
Garri Potter rolini aktyor Dominik Maklaflin ijro etadi. Uning eng yaxshi do‘sti Ron Uizlini Alastar Staut o‘ynaydi. Asosiy qiz qahramon Germiona Grenjer roli esa Arabella Stantonga nasib etdi. Film prodyuseri Francheska Gardinerning so‘zlariga ko‘ra, bu trio o‘zlarining noyob isteʼdodi tufayli tanlangan.
Maʼlumki, yosh sehrgarning sarguzashtlari haqidagi filmdagi asosiy rollarga nomzodlarni qidirish uchun mualliflar ochiq kasting o‘tkazgan, unda 30 mingdan ortiq aktyor ishtirok etgan.
Avvalroq “Garri Potter” seriali yaratuvchilari bir nechta asosiy rollarga aktyorlarni rasman tasdiqlagani maʼlum bo‘lgan edi.
Izoh (0)