“Гарри Поттер”нинг янги версиясини яратиш билан шуғулланаётган ҲБО Мах сервиси сериалдаги асосий ролларни ижро этувчиларнинг исмларини эълон қилди. Бу ҳақда Collider портали хабар берди.
Гарри Поттер ролини актёр Доминик Маклафлин ижро этади. Унинг энг яхши дўсти Рон Уизлини Аластар Стаут ўйнайди. Асосий қиз қаҳрамон Гермиона Гренжер роли эса Арабелла Стантонга насиб этди. Фильм продюсери Франческа Гардинернинг сўзларига кўра, бу трио ўзларининг ноёб истеъдоди туфайли танланган.
Маълумки, ёш сеҳргарнинг саргузаштлари ҳақидаги фильмдаги асосий ролларга номзодларни қидириш учун муаллифлар очиқ кастинг ўтказган, унда 30 мингдан ортиқ актёр иштирок этган.
Аввалроқ “Гарри Поттер” сериали яратувчилари бир нечта асосий ролларга актёрларни расман тасдиқлагани маълум бўлган эди.
Изоҳ (0)