Ba’zi filmlar qiziqarli syujeti bilan tomoshabinlarni ekran qarshisiga shu qadar mixlab qo‘yadiki, mayda detallar e’tibordan chetda qolishi mumkin. Ba’zan birgina kichik detal kadrni yoki hatto butun kinokartinaga bo‘lgan munosabatimizni butunlay o‘zgartiradi.
“Joker”
Shov-shuvga sabab bo‘lgan “Joker” filmi haqida qiziqarli ma’lumot: undagi barcha soatlar 11:11 ni ko‘rsatadi. Muxlislar bu hodisa yuzasidan turli nazariyalarni ilgari surishgan. Shulardan biriga ko‘ra, soatlar ishlamaydi, chunki barcha voqealar Arturning xayolida kechadi.
“Brijertonlar”
Penelopaning turli obrazlarini ko‘pincha kapalak to‘ldiradi — xoh u ko‘ylakdagi bezak bo‘lsin, xoh aksessuar. Bu bejiz emas — ko‘plab madaniyatlarda tangachaqanotlilar qayta tug‘ilish va rivojlanish ramzi hisoblanadi. Qurt chiroyli kapalakka aylanganidek, Fezerington oilasi ham yuqori tabaqa vakillari orasida o‘z o‘rnini topadi.
“Sohibjamol”
“Sohibjamol” filmida Vivian Edvardni tabiat qo‘ynida dam olishga ko‘ndiradi. Oshiq-ma’shuqlar daraxt ostida yotgan sahnada erkak qizga Shekspir iqtiboslari to‘plamidan 29-sonetni o‘qib beradi. Bu sonet “Go‘zal yoshlik” turkumiga kiradi va unda lirik qahramon o‘zining quvg‘indi va omadsiz taqdiriga aza tutadi, ammo muhabbat unga tushkunlikka tushmaslikka yordam beradi.
Darvoqe, yana bir qiziq o‘xshashlik, melodramada rol o‘ynagan aktyorlar — Richard Gir va Juliya Roberts ismlarining birinchi harflari Shekspirning mashhur oshiqlari — Romeo va Juletta ismlarining birinchi harflariga to‘g‘ri keladi.
“Titanik”
“Titanik” filmida Rouzning kema fojiasidan keyingi hayoti haqida hikoya qiluvchi fotosuratlarini ko‘rish mumkin. Bu bilan rejissyor Rouz nihoyat oilasi va jamiyatining umidlaridan ozod bo‘lib, yorqin, sarguzashtlarga boy hayot kechirayotganini ta’kidlaydi.
Rasmlardan birida Rouz ot minib, Jek uni olib borishga va’da bergan plyaj fonida o‘tiribdi. Avvalroq u bilan suhbatda ayol egarsiz ot minish g‘oyasini bema’ni deb hisoblagan, ammo fotosuratda qiz o‘z fikrini o‘zgartirgani ko‘rsatilgan. Shuningdek, u yerda Rouzning eri va bolalarining yagona surati bor.
Yana bir qiziqarli tafsilot film finalida yashiringan, o‘shanda Rouz kemada uchratgan barcha odamlarni eslaydi. Navbat Jekka yetganda, uning orqasidagi soat taxminan 2:20 ni ko‘rsatadi — bu aynan “Titanik” cho‘kib ketgan vaqt edi.
“Qirolichaning yurishi”
Serialning so‘nggi qismida, asosiy raqibini yengganidan keyin Bet oppoq kiyimda paydo bo‘ladi. Bu shunchaki chiroyli ko‘rinish uchun qilinmagan.
Kiyimlar dizayneri g‘oyasiga ko‘ra, endi Bet shaxmat taxtasidagi qirolicha, shaxmat taxtasi esa butun dunyoni anglatadi.
“Kelajakka qaytib”
“Kelajakka qaytib” filmida Marti o‘tmishga qaytib, avtomobil ikkita daraxtdan biriga urilganidan keyin “Ikki qarag‘ay” savdo markazining nomi “Yolg‘iz qarag‘ay”ga o‘zgartiriladi. Bu kulgili detal kelajakdagi muqarrar o‘zgarishlarni ta’kidlaydi, bu esa vaqt bo‘ylab sayohatga olib keladi.
“Barbi”
Haqiqiy dunyoda paydo bo‘lgan Barbi birinchi marta Mattel korporatsiyasining xodimi qizi Sasha bilan uchrashadi. Muxlislar taxminiga ko‘ra, Sasha nomi 2001-yilda Barbining raqibi sifatida chiqarilgan mashhur Bratz qo‘g‘irchog‘idan olingan. Ushbu nazariyaning tasdig‘i filmdagi qizning laqabi — “Banni Bu” ham Sashaning laqabi — Bratz qo‘g‘irchog‘i ekanligidir.
“Garri Potter va Azkaban asiri”
Franshizaning uchinchi qismida Garriga Teshik qozonga kelgach, Stiven Xokingning “Vaqtning qisqacha tarixi”ni o‘qiyotgan mehmonni ko‘rsatib o‘tishadi. Kitobda koinotning paydo bo‘lishi, makon va vaqt tabiati, qora tuynuklar haqida hikoya qilinadi. Film voqealari 1993-yilda sodir bo‘ladi, kitob nashr etilganiga esa 5 yil bo‘lgandi.
Ehtimol, epizod uchun aynan shu kitobni tanlash filmning umumiy mavzusi — ba’zan orqaga qaytarish mumkin bo‘lgan vaqt bilan bog‘liq bo‘lishi mumkin.
“Shamollarda qolgan hislarim”
“Shamollarda qolgan hislarim”da Skarlett Eshlining sevgisini tan olishni rejalashtirgan barbekyuga qanday borishi ko‘rsatiladi. Enaga unga kiyinishga yordam beradi va nihoyat Skarlettning o‘zi shlyapasining lentasini bog‘laydi. Bu paytda uning bo‘ynida hech qanday taqinchoq yo‘q. Ammo qahramon barbekyuga kelganda marjon taqib olganini ko‘rish mumkin.
“Forrest Gamp”
Filmda leytenant Den Forrestni masxara qilib, “Agar sen qachondir krevetka ovlaydigan kema kapitani bo‘lsang, o‘sha kuni men astronavt bo‘laman!”, deydi. Keyinchalik u Forrestga protezlarini ko‘rsatganida ulardan biriga hassasini urib, shunday deydi: “Bu titan qotishmasi. Undan kosmik kemalarda foydalaniladi”.
Yana bir o‘xshashlik — “Forrest Gamp” chiqqanidan bir yil o‘tgach, Geri Sinis Tom Xenks ham rol o‘ynagan “Apollon-13” filmida kosmonavt rolini o‘ynaydi.
“Garri Potter va hikmatlar toshi”
Franshizaning birinchi filmida Garri Potterning chandig‘i tantanali kechki ovqat paytida og‘riy boshlaydi. Buni professor Snegg payqaydi: u atrofga, keyin esa professor Kvirrelga qaraydi. Ovqatdan so‘ng Snegg professor bilan gaplashishga qaror qiladi. Bu tomoshabinga Garrining haqiqiy dushmani kim ekanligiga ishora qiladi.
Izoh (0)