Ijtimoiy tarmoqlarda Moskva shahrida vaqtinchalik mehnat faoliyatini olib borayotgan fuqarolar o‘rtasida mojaro yuzaga kelgani aks etgan video tarqaldi. Holat jamoatchilik orasida turli talqinlarga sabab bo‘lmoqda.
Mazkur voqea yuzasidan Migratsiya agentligining Rossiya Federatsiyasidagi vakolatxonasi tomonidan olib borilgan o‘rganishlarga ko‘ra, mojaro Moskva shahrida faoliyat yurituvchi “Antek” MCHJ qurilish kompaniyasida sodir bo‘lgan.
Aniqlanishicha, kelishmovchilik ayrim ishchilar texnika xavfsizligi qoidalariga amal qilmagani tufayli brigadir tomonidan jarima chorasi qo‘llanilgach yuzaga kelgan.
Shuningdek, Migratsiya agentligi tomonidan ma’lum qilinishicha, mojaro yuzaga kelgan vaziyatda O‘zbekiston fuqarolari ishtirok etmagan.
Agentlik jamoatchilikdan va ijtimoiy tarmoq foydalanuvchilaridan tasdiqlanmagan va noaniq ma’lumotlarga emas, faqat rasmiy manbalarga tayanishni so‘ragan.
Rossiyada o‘zbek migrantlari huquqlariga rioya etilishi nazorati kuchaytiriladi. Bunga mehnat migratsiyasi va migrantlar huquqlarini himoya qilish masalalari bo‘yicha O‘zbekiston—Rossiya idoralararo ishchi guruhining birinchi yig‘ilishida kelishildi.
Rossiyada chet el fuqarolarining huquqiy maqomini rasmiylashtirishi (legalizatsiya) lozim bo‘lgan muddat 2025-yilning 10-sentyabrgacha uzaytirildi. Pora evaziga hujjat olgan migrantlarni mamlakatdan chiqarib yuborish taklif etildi. Migratsiya agentligi Rossiyada ishlab yurgan, ammo, hujjatlarida kamchiligi mavjud bo‘lgan barcha o‘zbekistonliklarga huquqiy, amaliy yordam ko‘rsatishga tayyorligini bildirdi.
Izoh (0)