Ko‘p marta ko‘rgan bo‘lsangiz ham, sevimli filmlaringizdagi siz e’tibor bermagan holatlar (foto)

AdMe nashri ko‘p yillar davomida sevib tomosha qilingan ba’zi filmlarni atayin qayta ko‘rib chiqdi. Ularning taxminlari tasdiqlandi: rejissorlar va montajchilar har doim ham detallarga e’tibor beraverishmaydi.

“Sohibjamol va maxluq”

Film davomida Bell bosh kiyimsiz yuradi. Kino ijodkorlari avvallari faqat ijtimoiy me’yorlarga amal qilmaydigan ayollargina boshi ochiq yurishini hisobga olmagan ko‘rinadi. Qizig‘i shundaki, filmda ham shaharchaning barcha oddiy aholisining boshida ro‘mol va qalpoq bor. Ammo Gaston va uning hamrohi Lefu dam olgan joyning yosh xonimlari, istisnosiz, boshi ochiq. Ehtimol, Bellni “g‘alati” deb atashlari bejiz emasdir? Axir sohibjamol qiz va maxluq haqidagi ertak 1740-yilda, jamoat joylarida bosh kiyim kiyib yurish hali o‘tmishga aylanmagan paytda yozilgan.

“Sumerki”

Esingizda bo‘lsa, vampir Edvardning terisi quyosh nurida porlaydi. Lekin negadir bu Kallenlar oilasining boshqa a’zosi Elisga taalluqli emas. U qo‘lqop va qora ko‘zoynak taqib yurishiga qaramay, quyosh yuzining ochiq joylariga tushadi, lekin qiz kun davomida xotirjam yuradi va umuman porlamaydi.

“Marslik”

Mark Uotni Marsda yolg‘iz o‘zi yurganida 1997-yildan beri ishlamay qolgan Pathfinder apparatini topadi va undan Yerga signal yuborish uchun foydalanadi. Qiziq, qanday qilib u 40 yil oldingi texnologiyani tushunadi, hatto unga zamonaviy o‘tkazgichlarni ulaydi? Diqqat bilan qarasangiz, o‘tkazgichlar ham o‘ziniki kabi mos keladi.

“Uyda yolg‘iz”

1-kadrda Kevin supermarketda savatiga qizil idish yuvish vositasini solganini aniq ko‘rish mumkin. Ammo uyga qaytayotganda paketlari yirtilib ketadi va bunday idish yo‘qligi ma’lum bo‘ladi. Biroq bu Kevinning ushbu vositani biroz keyinroq uyda ishlatishiga to‘sqinlik qilmaydi.

Shuningdek, bolakay to‘la paketlarni qanchalik oson olib yurishiga e’tibor bering. U qo‘llarini umuman zo‘riqtirmaydi. Aslida gel idishlarning o‘zi kamida 1,5 kg og‘irlikda bo‘ladi.

“Alisa g‘aroyibotlar mamlakatida”

Alisa quyon inidan yiqilib tushganda, bo‘ynidagi zanjir sirli ravishda g‘oyib bo‘ladi. Qiz pastga qaraganda marjon bo‘ynida edi, bir necha soniyadan keyin u yo‘qoladi. Bu holat qizning kattalashishi va kichrayishidan oldin ham sodir bo‘ladi.

“Josus bolalar-2: Yo‘qolgan orzular oroli”

Film yosh sarguzashtchilar Karmen va Junining istirohat bog‘idagi sarguzashtlari bilan boshlanadi. 1-kadrdagi odam ularga ba’zilarning yuqori tezlik tufayli ko‘ngli aynishini aytadi va buning isboti sifatida u soyabonni ko‘taradi, shu zahotiyoq kimdir qayt qiladi. Ammo keyinroq ushbu attraksiondagi barcha kabinalar harakat paytida shisha gumbaz bilan mahkam yopilganligi ko‘rsatiladi.

“Sherlok Xolms: soyalar o‘yini”

Haqoratlangan Meri stakanidagi ichimlikni Xolmsning yuziga sepib yuboradi. Avvaliga uning peshonasidagi sochlar quruq bo‘lib, bir necha soniyadan so‘ng birdaniga tushunarsiz tarzda namlanadi. Yonog‘dagi tomchilar va chiziqlar holati ham o‘zgaradi.

“Van Xelsing”

Vampir Aliraning sirg‘alariga e’tibor bering. Uning Anna bilan keskin suhbati davomida bu bezaklar paydo bo‘ladi va yo‘qoladi.

“Hayot-mamot o‘yinlari”

Geyl ov paytida Kitnissga non olib kelganida, u hayajonlanib so‘raydi: “Nahotki bu haqiqiy?”. U o‘zini anchadan beri non ko‘rmagandek tutadi. Ammo 12-okrugda novvoyxona bor edi: Pit bu yerda ota-onasiga yordam beradi va tortlarni bezashni o‘rganadi, keyinchalik bu unga niqoblanishida yordam berdi.