Agar siz ishonch qozonishni, o‘zingizni sevishni va yangi yutuqlar uchun motivatsiya topmoqchi bo‘lsangiz, unda mashhur Gollivud aktyorlarining ushbu avtobiografiyalari sizga, albatta, yoqadi.
“Yana nimadir”, Dayan Kiton
Dayan Kiton Gollivudning eng nufuzli aktrisalaridan biri hisoblanadi. U Frensis Ford Koppola, Vudi Allen va boshqa taniqli rejissyorlar bilan do‘st. Mashhur o‘zining avtobiografiyasida nafaqat kino karyerasi, balki shaxsiy hayoti haqida ham ochiq gapiradi. Masalan, u ota-onasi bilan qiyin munosabatlari haqida so‘zlaydi.
“Shunchaki baxtli bo‘lish”, Keyt Hadson
Keyt Hadson salomatlik va fitnesning ahamiyatiga e’tibor qaratishga qaror qiladi. O‘z kitobida u ish va uy yumushlarini qanday qilib uyg‘unlashtirishni o‘rgatadi. Aktrisa, shuningdek, orzuyingizdagi tanaga erishishingizga yordam beradigan maslahatlar bilan o‘rtoqlashadi.
“Men baxtliman”, Jeki Chan
Jeki Chan esa o‘z kitobida hayot yo‘llariga nazar tashlaydi. U o‘z tarjimayi holida shon-shuhrat sari yo‘li haqida ochiq gapirgan. Shunday qilib, siz aktyorning suratga olish maydoniga qanday kelib qolganini, qanday qilib kaskadyor sifatida ishlay boshlaganini va keyin Gollivudni zabt etganini bilib olasiz. Bundan tashqari, Chan oilasi bilan munosabatlari, shon-shuhrat va uning ta’siri haqida gapiradi. Ushbu kitob tufayli Jekining o‘zingiz bilmagan tomonlarini kashf etasiz.
“Yashil chiroq”, Metyu Makkonahi
Ushbu kitob “Oskar” mukofoti sovrindori Metyu Makkonahiga butunlay boshqacha qarashga yordam beradi. “O‘ttiz besh yil davomida men o‘zimni qiziqtirgan, hayot yo‘limda menga yordam bergan narsalarni tushundim, esladim, tan oldim, to‘pladim va yozib qo‘ydim”, deydi aktyor. O‘z tarjimayi holida u hayotini qanday o‘zgartirgani haqida gapirib beradi. Masalan, Metyu Avstraliyada bir yil yashagan, yuridik maktabini kino institutiga o‘zgartirgan, romantik komediyalarda rol o‘ynashni to‘xtatgan va jiddiy dramatik rollarni ijro eta boshlagan.
“Rejali ayol: baxtli hayot qoidalari”, Mey Mask
Mey Mask birinchi mag‘lubiyatdan keyin taslim bo‘ladigan ayol emas. 31 yoshida u 3 nafar bolasi bilan yolg‘iz qoladi, 60 yoshida esa modellik faoliyatini boshlaydi. O‘z tarjimayi holida u nafaqat hayotidan yorqin epizodlar, balki sog‘liq va go‘zallikni saqlash bo‘yicha tavsiyalari bilan o‘rtoqlashadi. Mey uch bolani qanday tarbiyalash, karyera qurish va yangi narsalarni sinashdan qo‘rqmaslik kerakligi haqida so‘zlab beradi.
Izoh (0)