Ҳукуматнинг “Фуқароларга идентификация ID-карта, хорижга чиқиш биометрик паспорт, ҳайдовчилик ва автомототранспорт воситасини рўйхатдан ўтказилгани тўғрисида гувоҳноманинг махсус рақамларини бериш бўйича давлат хизматларини кўрсатиш тартибини такомиллаштириш ҳақида”ги қарори лойиҳаси муҳокамага қўйилди.
Қарорга кўра, харидоргир рақамлар комибинациясига эга бўлган идентификацияловчи ID-карта, хорижга чиқиш биометрик паспорти, ҳайдовчилик ва автомототранспорт воситасини рўйхатдан ўтказилгани тўғрисидаги гувоҳномани оширилган тўлов ставкалари бўйича бериш тизими жорий этилиши мумкин.
2025 йил 1 мартдан бошлаб фуқароларнинг хорижга чиқиш биометрик паспорти ва идентификацияловчи ID-картасини ҳамда транспорт воситалари гувоҳномаларини бериш бўйича давлат хизматлари хизмат кўрсатувчи ходим томонидан техник қурилмалар ҳамда дастурий таъминотлар ёрдамида оширилган тўлов ставкалари асосида кўрсатилади.
Фуқароларнинг хорижга чиқиш биометрик паспорти ва идентификацияловчи ID-картасини ҳамда транспорт воситалари гувоҳномаларини бериш бўйича давлат хизматларини оширилган тўлов ставкалари асосида кўрсатишда тегишлича Ягона интерактив давлат хизматлари портали, расмий веб-сайт ҳамда мобил иловадан фойдаланилади.
2025 йил 1 мартга қадар фуқароларнинг хорижга чиқиш биометрик паспорти ва идентификацияловчи ID-картасини ҳамда транспорт воситалари гувоҳномаларини бериш бўйича давлат хизматларини кўрсатиш бўйича ахборот тизими ишлаб чиқилади ҳамда ишга туширилади.
2025 йил 1 апрелга қадар ахборот тизими ЯИДXП билан интеграция қилинади. Қарор билан тасдиқланган маъмурий регламентга мувофиқ ЯИДXП, расмий веб-сайт ҳамда дастурий таъминот орқали давлат хизматлари жорий этилади.
Фуқароларнинг хорижга чиқиш биометрик паспорти ва идентификацияловчи ID-картасини ҳамда транспорт воситалари гувоҳномаларини бериш бўйича давлат хизматларидан фойдаланиш учун электрон аризани юбориш имконини берувчи мобил илова ишга туширилади.
Изоҳ (0)