Турк актёр ва актрисалари шахсий ҳаётида рўй бераётган янгиликлар ва сўнгги кунларда юлдузлар нималар билан банд экани ҳақида маълумотларни эътиборингизга ҳавола қиламиз.
Ҳанде Эрчел ва Ҳакан Сабанжининг унаштируви “Шарқий экспресс”да бўлиб ўтган бўлиши мумкин
Ҳафта “Қалбим эшигини қоқ” сериали юлдузининг мухлислари орасида тарқалган миш-мишлар билан бошланди. Ҳанде Эрчел ва Ҳакан Сабанжи қисқа муддатли таътил давомида “Шарқий экспресс”да тушган суратларини ижтимоий тармоқда улашди, бу эса турли саволларни келтириб чиқарди. Жуфтлик бундай саёҳат учун жуда дабдабали кўринишда эканлиги боис улар яширинча унаштирув маросими ўтказган бўлиши мумкинлиги ҳақида гап-сўзлар тарқалди.
Таро Эмир Текин полшалик модел Сандра Форманек билан учраша бошлади
“Бевафо”, “Қўрғон сирлари” сериалларининг юлдузи Таро Эмир Текин ўзининг ижтимоий тармоқлардаги саҳифасида полшалик модел Сандра Форманек билан тушган суратларни улашди ва шу тариқа янги муносабатлар бошлаганини эълон қилди. Кўпчилик мухлислар Сандрани Таронинг собиқ севгилиси София Кацга ўхшашлигини пайқади ва бу ўхшашлик янада кўпроқ изоҳлар қолдирилишига туртки бўлди.
Фарук Сабанжи ва Эсра Билгич Японияга саёҳатга жўнаб кетишди
Ҳакан Сабанжининг қариндоши Фарук Сабанжи қаллиғи Эсра Билгич билан кунчиқар мамлакат — Японияга йўл олди. Жуфтлик сафарга кетиш чоғида аэропортда папарацсилар камерасига тушди.
“Ёввойи” сериали актёри Сезер Арячай Гизем Чичеклиоғлу билан турмуш қурди
Дизи оламида навбатдаги тўй: бу сафар “Ёввойи” сериали актёри Сезер Аричай бахтли куёвга айланди. Унинг севгилиси — ижтимоий тармоқларда машҳур блогер Гизем Чичеклиоғлу бўлиб, у кино оламидан йироқ соҳада ишлайди. Улар 2024 йил августида унаштирилган эди.
“Қизил шарбат” сериалига Мурат Балжи қўшилди
Сценарий муаллифлари ва продюсерлар рейтингни сақлаб қолиш учун қўлидан келган ҳамма ишни қилишга тайёр. Ҳатто Абдуллоҳнинг яна бир ёш севгилиси пайдо бўлиб, Пембе хонимни атайлаб заҳарлагани ҳам бунга етарли бўлмади. Сериал 100-қисмнинг иккинчи трейлерида биз Голландиядан келган Ишилнинг собиқ йигити Лео ролида қўшиқчи Мурат Балжини кўрдик. Афтидан, бу сериалдаги янги можароларнинг бошланишига ўхшайди, чунки Нурсема бу вазиятни “ўгай онаси”га қарши ишлатиши мумкин.
“Қизил шарбат” сериалидаги актриса Фейза Живилекка нисбатан тергов ишлари қўзғатилди
Пембе ролини ижро этган Сибел Тошчиоғлу Фейза Живилек ва унинг онаси билан зиддият сабаб сериални тарк этган эди. Энди эса у билан боғлиқ янги можаро ҳақида миш-мишлар пайдо бўлди. Нилай образини гавдалантирган актриса собиқ йигитининг янги севгилиси билан жанжаллашгани ва унга таҳдидлар қилгани айтилмоқда. Айтилишича, у қизга қарата шундай деган:
“Мен сени кўприкка осиб ўлдираман, бу ердан йўқол!”
Агар бу гаплар исботланса, актрисага маъмурий жазо берилиши ва таҳдид қилинган қизга яқинлашиши тақиқланиши мумкин.
Толга Сариташ ва Зейнеб Майрук фарзандининг жинсини ошкор қилишди
“Муҳташам юз йил” сериалида шаҳзода Жаҳонгир образини ижро этган Толга Сариташ ва унинг рафиқаси Зейнеб Майрук фарзанд кутаётгани апрель охирида маълум бўлди. Энди эса улар кутаётган чақалоқнинг жинси ўғил бола эканини эълон қилишди.
“Ҳукмдор Усмон” сериали юлдузлари Чағри Шенсой ва Бусе Арслан янги туғилган фарзандининг илк суратини аудиториясига улашди
Яқинда ота-оналик мақомига эришган машҳур жуфтлик — Чағри Шенсой ва Бусе Арслан 2025 йил 3 май куни илк бор қиз фарзандли бўлишди. 7 май куни улар қизалоғининг қувноқ суратларни эълон қилишди.
Керем Бурсин орзусидаги рол ҳақида сўзлаб берди
Керем Бурсинни доимо ёқимтой Серкан Болат сифатида эслаб қолишни хоҳласак-да, актёрнинг карьера бўйича бошқа режалари бор: у ELLE журналига берган интервьюсида энг орзу қилган роли ҳақида сўзлаб берди. Маълум бўлишича, актёр ёвуз қаҳрамон ролини ўйнашни жуда хоҳлайди, чунки салбий образлар мухлисларга кўпроқ қизиқ бўлади.
“Қўрғон сирлари” сериалининг яна бир юлдузи турмушга чиқди
Берил Позамдан (Суна) сўнг, энди Бушра Алнитемиз ҳам оила қурди. У Пелиннинг амакиваччаси ва Кайнинг собиқ севгилиси — Пирил ролини ўйнаган. Сериалда у иккинчи мавсум давомида ўз муносабатларини қайта тиклашга уринган эди. Ҳаётда эса у актёр Омер Тезжел билан турмуш қурди. Қизиғи шундаки, Бушра ва Омернинг тўйига “Қўрғон сирлари”даги актёрлардан бирортаси ташриф буюрмаган.
Изоҳ (0)