Ҳатто қимматбаҳо ва сифатли лаб бўёғи ҳам унинг лабда тез ўчиб кетмаслигига кафолат бермайди. Бунинг сабаби лабларни тайёрлаш ва тез-тез эътиборсиз қолдирадиган кичик одатлар. Ушбу мақолада макияжнинг давомийлигини оширишга ёрдам берадиган оддий маслаҳатлар ва лабларингизни эртадан кечгача ёрқин сақлаш бўйича тавсиялар жамланди. 

Лабнинг қуриб қолиши ва ёрилиши 

Қуруқ ва ёрилган лабларга лаб бўёғи яхши суртилмайди: у қотиб қолади, нотекис кўринади ва, албатта, тезда ўчиб кетади. Нозик тери чуқур намланишга муҳтож. Голливуд визажисти Кейт Синнотт ноодатий маслаҳат беради:

Бемалол кўз атрофидаги тери учун мўлжалланган кремни лабларга суртаверинг — бу уларни намлайди. Лаб атрофидаги тери ингичка, кўз креми эса айнан нозик жойлар учун мўлжалланган, дейди мутахассис.

Кремни ниқоб сифатида, кечаси ухлашдан олдин қалин қилиб суртиш мумкин. Яна бир вариант уни юпқа қилиб, лаб бўёғидан олдин суришдир.

Лабларнинг ёрилиши ва терисининг бир қавати ажралишига қарши яхши воситалардан бири бу лаб учун скрабдир. Уни йилнинг иссиқ даврида ҳафтада бир марта, совуқ ёки мавсумий ўзгаришларда эса ҳафтасига икки марта ишлатиш мумкин.
Агар лабларни тезда ҳолатга келтириш керак бўлса, машҳур визажист Антея Кинг қуйидаги тезкор воситани тавсия қилади:

Янги дамланган қора ёки кўк чой пакетчасини бир оз совутиб, сиқиб олинг ва 3–4 дақиқа давомида лаб устига қўйинг, таъкидлади у. 

Лаб бўёғи олдидан балзам суртиш: бу нима учун хато ҳисобланади?

Лаб бўёғидан олдин бевосита суртилган балзам кўпроқ душман бўлиши мумкин. Чунки у бу қисқа вақт ичида терига сингиб улгурмайди. Аксинча, у помаданинг терига ёпишишига халақит беради, шунинг учун ранг оқиб кетади. Бундай бўлмаслиги учун балзам суртилгач, 15–20 дақиқа кутиш керак. Агар вақт бўлмаса, лабни салфетка билан енгил босиб олиш мумкин.

Базасиз ва контур қаламисиз: макияж узоқ турмайди

Помада узоқроқ туриши учун унга бошқа воситалар ҳам керак. Визажистлар камида учта воситани биргаликда қўллашни тавсия этади.
 Биринчи восита — праймер (асос). Помада учун база турли шаклларда бўлиши мумкин: қалам, қаттиқ балзам ёки сиқиладиган идишдаги крем. У нафақат бўёқни узоқ тутиб туради, балки терини намлайди, пигмент ва қуёшдан ҳимоя қилади.
 Иккинчи восита — лаб учун қалам. Уни фақат контур бўйлаб эмас, балки бутун лаб юзасига суртиш мумкин. Тўлиқ қоплама бўёққа қўшимча қатлам беради. Ранг танлашда: агар мақсад бўёқни мустаҳкамлаш бўлса — қалам ва помада бир хил рангда бўлиши мумкин. Агар лабни каттароқ ва тўлароқ кўрсатмоқчи бўлсангиз, қалам рангини бир оз очроқ танланг.
 Учинчи восита — машҳур юлдузнинг сирли усули. Тейлор Свифт Allure журналига берган интервьюсида айтишича, у помадани шундай суртади: аввал бир қатлам суртади, салфетка билан енгил босиб олади, сўнгра салфеткага пудра сепиб, уни лабга босади. Фақат шундан сўнг иккинчи қатлам помадани суртади.

Лабга мос келмайдиган текстура

Намлантирувчи ва кремли помадалар энг тез “йўқоладиган” турларидир. Энг узоқ турадиганлари — мат помадалар ва тинтлар. Энг кўп янгилаш талаб қиладигани эса лаб бўёғи (блеск). Тўғри, мат помадалар мустаҳкам, лекин уларни тозалаш ҳам оғирроқ бўлади. Гидрофил мой бу ишда энг самарали ҳисобланади.

Помаданинг қайси турига тегишли бўлишидан қатъи назар, уни жуда қалин суртмаслик керак. Жуда қалин қатлам тезда қотиб қолади. Баъзан кейинроқ янгилаш, ҳозир кўп суртишдан афзал.

Зараркунанда одатлар бўёқни бузади

Қанча уринманг, агар сизда зарарли одатлар бўлса, барча ҳаракатлар бекор кетади. Лабни тишлаш, тил билан ялаш ёки қўл билан тегиниш — помадани тез йўқотади. Кўпчилик хотин-қизлар орасида кенг тарқалган хато: помадани суриб бўлгач, лабларни бир-бирига ишқалаш — бу нотўғри. Бу ҳаракат помада рангининг ёрқинлигини камайтиради ва чидамлилигини ёмонлаштиради. Бундай майда одатларни назорат қилишни ўргансангиз, макияжни камроқ тузатишга тўғри келади.

Оддий қоидаларни билиш орқали лабингиздаги бўёқни анча узоқроқ сақлаб қолишингиз мумкин. Бор-йўғи бир неча янги одат ва помадангиз нонушта, қаҳва, тушлик ва бутун кунлик ҳиссиётларга бардош беради.